1,636 Бардыгы /

БИШКЕК. Кыргыз Республикасынын Президенти Сооронбай Жээнбеков орто мектепти быйыл бүтүргөндөргө Алтын сертификаттарды салтанаттуу маанайда тапшырды. Мамлекет башчысы быйылкы жылдагы жалпы республикалык тестирлөөдө Алтын сертификат жана эң жогорку балл алгандардын 57 пайызы раймактардын бүтүрүүчүлөрү экендигин чоң канааттануу менен белгиледи.

Президент Сооронбай Жээнбеков жаш муундардын татыктуу билим алуусуна, эмгектенүүсүгө ыңгайлуу шарттарды жаратуу—мамлекеттик саясаттын артыкчылыктуу багыты болуп саналаарын дагы бир ирет баса белгиледи.  Быйыл Алтын сертификаттарга 52 бүтүрүүчү жана жалпы республикалык тестирлөөдө эң жогорку балл алган аймактардын 14 бүтүрүүүчүсү ээ болушту.

Мамлекет башчысы Сооронбай Жээнбеков Алтын сертификаттардан сырткары бүтүрүүчүлөргө символикалуу белек-бечкектерди дагы тапшырды.

                        Алишер ТОКСОНБАЕВ, өз кабарчы