839 Бардыгы /

АКШ президенти Дональд Трамп “Твиттерге” Гренландиянын бир бөлүгү катары сүрөттөлгөн калктуу конуштун фонуна Trump деген жазуусу бар жаркыраган көп кабаттуу имараттын сүрөтүн жайгаштырды.

Трамп тамаша иретинде: “Мен Гренландияга бул нерсени жасабоого убада берем!” деп жазды.

17-августта АКШнын президенти Дональд Трамп Вашингтон чынында эле Даниядан Гренландияны сатып алууга кызыгып жатканын ырастап, бирок бул азыр приоритеттүү маселе эмес экенин белгилеген.

Даниянын премьер-министри Метте Фредериксен жана Гренландиянын премьер-министри Ким Кильсен жарым автономдуу дат аймагы сатылбай турганын айтышкан.

Гренландия – Жер шарындагы эң ири арал, аймагынын көбүн муз каптап турат. Аралдын калкынын саны 56 миңге жакын. Жергиликтүү бийлик органдары ички саясий маселелерди тейлесе, тышкы саясат жана коопсуздук Копенгагендин карамагында.

Гренландияда АКШнын аскердик базасы жайгашкан.

1946-жылы Кошмо Штаттар аралды сатып алуу үчүн Данияга 100 миллион доллар сунуштаган, бирок Копенгаген баш тарткан.

Трамп кийинки аптада расмий сапар менен Данияга барары күтүлүүдө.

www.