Аймак

ӨЗБЕКСТАНДА МИГРАЦИЯ АГЕНТТИГИНИН МУРДАГЫ БАШЧЫСЫ 12 ЖЫЛГА СОТТОЛДУ

ӨЗБЕКСТАНДА МИГРАЦИЯ АГЕНТТИГИНИН МУРДАГЫ БАШЧЫСЫ 12 ЖЫЛГА СОТТОЛДУ

 944 Бардыгы /

Ташкент шаардык соту өлкөнүн Тышкы миграция агенттигинин мурдагы башчысы Равшан Ибрагимовду 12 жылга эркинен ажыратты. Бул туурлуу жергиликтүү басылмалар кабарлашты.

Маалыматка караганда, Ибрагимов «Алдамчылык», «Пара берүү» жана «Кылмыштуу кирешелерди адалдоо» беренелери боюнча күнөөлүү деп табылды. Ал 12 жылдык жаза мөөнөтүн жалпы режимдеги абакта өткөрөт.

Ушул эле иштин алкагында агенттик башчысынын мурдагы орун басары Улугбек Назаров дагы 12 жылга соттолду.

Өткөн жылы ноябрда Ибрагимов, анын орун басары Назаров жана дагы эки кызматкер кызматтык кылмыштарга айыпталып камакка алынганы кабарланган.

Анда бул иш менен жакындан тааныш булактар камактагы аткаминерлер Түштүк Кореяга жумушка жиберүү үчүн жарандардан 20 миллион доллардан ашык пара алууга айыпталып жатканын билдиришкен.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17