634 Бардыгы /

Түркмөнстандын Мары облусундагы айрым райондордо пахта терүү өнөктүгү башталгандыгына байланыштуу аймактагы мамлекеттик кызматкерлерге «талаага чыгууга даяр болуу» буйругу берилди. Бул тууралуу «Азаттыктын» түркмөн кызматы кабарлады.

Басылманын маалыматына караганда, пахта теримге чыга албаган кызматкерлер өзүнүн ордуна башка бирөөнү жалдашы керек болот. Мындан тышкары алар жетекчиликке күнүнө 20 манаттан (расмий курс боюнча алты долларга жакын) төлөп берип, талаага чыгуу милдетинен кутула алышат.

Жергиликтүү мамлекеттик кызматкерлердин биринин айтымында, аймактагы бюджетте иштегендер жумушун жоготуп алуудан коркуп, башка бирөөнү жалдап же өзүлөрү пахта теримге чыгууга аргасыз. «Эгер сенин ордуна пахта тере турган адамга акча төлөп бере албасаң, анда талаага өзүң барышың керек болот. Ошол эле маалда нааразылыгыңды билдирсең, иштен кетүү тууралуу арыз жазууга мажбурлашат», — деп билдирди ал.

Түркмөнстанда мамлекеттик кызматкерлер жыл сайын айыл-чарба жумуштарына, анын ичинде пахта терүүгө мажбурланып чыгарылат.

www.