931 Бардыгы /

Тажикстан эгемендүүлүккө ээ болгондон бери басылып чыккан китептердин түрү көбөйгөнү менен алардын нускасы дээрлик 100 эсеге азайган. Бул тууралуу «Азаттык» радиосунун тажик кызматы кабарлады.

Маалыматка караганда, Советтик Тажикстанда кезинде китептер миңдеген нуска менен басылып чыгып турган болсо, учурда алар 50, эң көп дегенде 500 нускада жарык көрөт.

«Тажикстандын китеп үйү» улуттук агенттигинин жетекчиси Курбонали Бурхонзоданын айтымында, өткөн жылы өлкөдө 6 миңден ашык аталыштагы китеп басылып чыкса, көбүнүн нускасы 200дөн ашкан эмес. Өз кезегинде бул өлкөдө китеп баасынын жогорулашына алып келген.

Тажик маданият министри Шамсиддин Орумбекзода китептин нускасы Тажикстанда гана эмес, мурдагы советтик республикалардын көбүндө азайганын билдирди. «Бирок бул тажикстандыктар китеп окубай калды дегенди билдирбейт. Азыр адамдар китепканаларга барып окушат, көпчүлүгү электрондук китептерди алуу мүмкүндүгүнө ээ», — деди министр.

www.