940 Бардыгы /

Түркмөнстанда 6-сентябрда үч жылдан бери камакта жаткан активист Гаспар Маталаев эркиндикке чыкты.

Гаспар Маталаев – пахта терүү өнөктүгү маалында мажбурлап иштетүү көрүнүштөрүнө көз карандысыз мониторинг жүргүзгөн түркмөн активисти. Ал 2016-жылы октябрдын башында камакка алынган.

Turkmen.news сайтынын маалыматына караганда, анда тергөөчүлөр Маталаевди электр тогу менен кыйнап, жалган айыптоолорду мойнуна алууга мажбурлашкан. 9-ноябрда ал үч жылга эркинен ажыратылган.

Андан бери Front Line Defenders, Freedom United сыяктуу бир катар эл аралык укук коргоо уюмдары бир нече жолу түркмөн активистин колдоп чыгышкан.

Өткөн жылы Бириккен Улуттар Уюмунун (БУУ) жумушчу тобу активисттин кармалышын жана камакка алынышын негизсиз деп таап, түркмөн бийлигин аны тез арада бошотууга чакырган.

www.