1,871 Бардыгы /

Бүгүн, 9-сентябрда Барпы драма театрынын алдында 100гө жакын жаш комузчулардын катышуусунда залкар комуз күүлөрү чертилип, саамалык сахналаштырылган көрүнүштөр менен коштолду.

Ага Жалал-Абад шаарынын вице-мэри Руслан Алтымышев, калаадагы аксакалдар, студенттер, мектеп окуучулары жана шаар тургундары катышты. Мындагылар кыргыз элинин руханий маданиятынын ажырагыс бөлүгү катары салттуу музыканы комузсуз элестетүү мүмкүн эмес экенине токтолушту.

Кошумчалай кетсек, Жалал-Абад шаарында комуз күүлөрүн жайылтуу, улуттук аспапты даңазалоо багытында иш-чаралар улантылууда. Ага карата жогорку окуу жайларда, кесиптик лицейлерде жана орто мектептерде “Кылымдарды карыткан кереметтүү добуштар”, “Күүнүн башы Камбаркан”, “Залкар күүлөр” жана “Обон күүлөр” аталышындагы ачык сааттар өткөрүлүүдө.

“Аймак”