547 Бардыгы /

Ташкент шаарынын милициясы кумсанын өлүмүнө шектүү эки адам кармалганын жарыялады.

25 жаштагы Шокир Шавкатовдун өлүмүнө шектүү эки киши 13-сентябрда кармалган.

Юнусабад райондун прокуратурасынын кызматкери кумсанын өлүмүнө байланыштуу «Атайлап киши өлтүрүү» беренеси менен кылмыш иши козголгонун билдирди.

Шавкатовдун бычакталып өлтүрүлгөн сөөгү 12-сентябрда табылган эле. Ал өлөрүнөн бир күн мурун «Инстаграмдагы» баракчасы аркылуу кумса экенин ачык айтып чыккан.

Маркумдун досунун ырасташынча, Шавкатов ошол күнү сексуалдык азчылыктын өкүлдөрү чогулган түнкү клубга барган. Ал жерден 40 жаштагы эки адам келип, Шокир Шавкатовду алып кетишкен. Эртеси күнү анын мууздалган сөөгү Ташкенттеги батирлердин биринен табылган.

Өзбекстан бир жыныстуулардын мамилесине мыйзамдуу түрдө тыюу салган саналуу мамлекеттердин катарында. 2018-жылдын апрелинде БУУ ЛГБТ өкүлдөрүнүн укуктарын сактоо боюнча 11 сунуш киргизип, Ташкент аны кабыл алган эмес.

www.