1,164 Бардыгы /

Жалал-Абад шаарындагы үлкөн темир бетон чыгаруучу заводунун тегерегиндеги чыр да сот иштери да аягына чыкпай келет. Эки тараптын өз чындыктарын катарлаш берүүнү туура көрдүк. түзүлгөн. Сепаратист Кадыржан Батыровдун мүлктөрү сот органдары аркылуу мамлекетке конфицкацияланып, 25 объект “Элдик мамлекеттик ишканасына өткөрүлүп берилген. Мүлктөрдү ижарага берип иштетүү аркылуу өлкө казынасына пайда алып келүү көздөлгөн.Алардын бири 6 гектар жер аянтын ээлеген мурдагы КСП заводу бар. 2-3-кабатка иштетилүүчү плиталарды, латок, столпа айтор темир бетондук өндүрүштүн бардык түрүн чыгарууга мүмкүнчүлүгү бар Жалал-Абад шаарындагы уникалдуу заводдордун бири.

Алексей Апиев, Элдик мамлекеттик ишканасынын жетекчисинин милдетин аткаруучу:

-2017-жылы айында ачык аукцион аркылуу айына 744 миң сомго “Акмат-Ата-транс” ЖЧКсына ижарага берилген. Булар башында ижара акысын төлөп кийин төлөбөй коюшкан, бүгүнкү күндө бизге ижарадан18 миллион сомго жакын карызы бар. Негизги жүйөөсү ижара акысы кымбат болуп калган дешүүдө. Эгерде чынында ошондой болсо, анда алар башында бир айдан кийин эле фондко офицалдуу кат аркылуу кайрылып аукциондун жыйынтыгын жокко чыгарышкан эмес. Же болбосо компаниянын чыгымдарынын хронологиясын түзүп, ижара акысы кымбат экенин көрсөтүп, ошонун негизинде кайрылышса болмок. Алар бул жүйөлөрдү качан гана бир жыл өтүп биз сотко кайрылгандан кийин айтып жатышат. Азыр Райондор аралык сот аталган ЖЧКны 16 миллион 444 миң сом төлөсүн деген чечим чыгарып берген. Ал эми областык сот заводдон чыгып кетүүсү боюнча чечим чыгарган. Бирок алар кайра арызданып иш бүтпөй келет.

Бакыт Борошев, Жеке ишкер:

-Биз ал заводду ижарага алганда банкрот болуунун алдында эле. Мамлекеттен 7 миллион сомго жакын карызы бар болчу.Биз 2 жылдын ичинде 46 жумушчудан 104 жумушчуга көбөйттүк. Айлыктарды эки эсе көтөрдүк. Азыркы учурда Жалал-Абад шаарындагы №2 салык төлөөчү өндүрүш болууга жетишти. Андан башка дагы жакшы өзгөрүштөрдү жасадык. Бирок азыр ижара боюнча сот иштерибиз бар. Туура биз алганда айына 744 миң сом төлөшүбүз керек эле. Бирок завод алып карасак, бир сөз менен айтканда “өлгөн” абалда экен. Ошондуктан биз анын абалына жараша айына 200 минден төлөйбүз деп,ошол суммада төлөп келебиз. Кийин биз заводду бутка тургузуп, иштетип пайда түшө баштаганда заводко кызыккандар көбөйдү. Азыр эми мамлекеттин кызыккчылыгын көздөп деп сотко кайрылып доогер болуп жатышат. Бирок мамлекеттин кызыкчылыгын көздөсө эмнеге завод банкрот болуп сазга батып жатканда реакция кылбай, эми жакшы иштей баштаганда аракет кылып жатасыңар деген жообу жок суроо туулат.

Бухгалтер:

-Ижара кымбат болуп калган дешкени менен алар өздөрү ошол баага чыгарышкан. Башында аукционго коюлган баа 116 миң 320 сом болгон, ар бир балка урулганда 70 миңге көтөрүлмөк, алар өздөрү ушул баага жогорулатышкан. Заводду көргөндөн кийин бир ай ичинде кайрылса, аукциондун жыйынтыгы жокко чыгарылып башынан өткөрүлөт эле, балким алар кайра ала албай калабыз деп коркушкан. Ошондой эле завод кышында иштебей калат, ал айларга ижара акы алынбайт.

Бакыт Борошев, жеке ишкер:

-Мыйзам боюнча “компания изделка” деген бар. Эгерде келишим бир тараптын укугун коргоп экинчи тараптын укугун коргбой калса ал жокко чыгат. Алар бизге заводду берерде абалы жакшы деп беришкен. Бирок тескерисинче экен. Уурдалган, иштебеген нерселери көп болчу. Биз аны иштетиш үчүн миллиондогон акчаларыбызды киргиздик. Анан эле эми бутка тургузганда Элдик ишканасы ижара мөөнөтү бүттү чыккыла деп жатышат. Ошондуктан биз аларга сот аркылуу сүйлөшөлу дегенбиз. Азыр сот иштери жүрүп жатат. Биз безнесменбиз да, башка жака барып деле бизнесибизди улантып кетет беребиз. Бирок бир жактан патриоттук сезимибиз деле жөн койбоц турат. Анткени К.Батыровдун элдик ишканасына караган канчалаган заводдору талкаланып, тонолуп бүгүнкү күндө кейиштүү абалда жатат. Эгерде аларга кайтарып берсек ошондой абалга келбейт деп ким кепилдик бере алат?

Алексей Апиев, Элдик мамлекеттик ишканасынын жетекчисинин милдетин аткаруучу:

-Сот иштери акыйкат аяктаса биз заводу Элдик ишканасы өзүбүз эле иштетели деп жатабыз. Анткени таш майдалоочу, асфальт чыгаруучу заводду жакшынакай эле иштетип жатабыз. Эмнеге колубуздан келбесин. Болгону башында ситуация ошого түрткөн. К.Батыровдун мүлктөрүн менчиктештирип алабыз дегендер туш-тараптан чыккан, премьер-минитрге чейин каттар жолдонгон деп уккам. Ошол үчүн ижарага берилип турган. Азыр жеке ишкердин эмес, мамлекеттин кызыкчылыгы үчүн Элдик мамлекеттик ишканасы өзүбүз иштетсек болот.

Бакыт Борошев, жеке ишкер:

-Мен кайра эле президентке кайрылып кетет элем. Урматтуу президентибиз ишкерлерге колдоо көрсөтүлсүн деген менен айрым мамлекеттик органдар прокуратура аркылуу кысымдар көп болуп жатат. Бизге мамлекеттик кепилдик же жеңилдетилген кредит эмес, болгону бут тоспогула ошол жетиштүү. Кайсы жака барбайлы буюрократтар, бизге жүрөгүндө ыйманы бар иштейм деген кадрлар керек.

Роза Акматжан кызы “Аймак”