843 Бардыгы /

БИШКЕК. Кыргыз Республикасынын Тышкы иштер министри Чыңгыз Айдарбеков Норвегия КоролдугунунТышкы иштер министрлигинин Атайын өкүлү, Элчи Кнут Воллебекти кабыл алды.

Норвегия Элчиси Кнут Воллебек Бишкек шаарына өзүнүн Борбор Азия өлкөлөрү боюнча сапарынын алкагында келди. Эки тараптуу кызматташтыкты мындан ары өнүктүрүү, ошондой эле тараптардын ар кыл өңүттөгү  аянтчалардын алкагында өз ара аракеттенүү маселелери – бул сапардын негизги максаты. Жолугушуу маалында Министр Чыңгыз Айдарбеков Норвегия менен эки тараптуу мамилелерди мындан ары өнүктүрүүнүн абдан маанилүүлүгүн баса белгиледи. Ошондой эле саясий жана экономикалык мүнөздөгү күн тартибинин негизги маселелерине дагы көңүл бурушту. Кыргыз Республикасынын Норвегия менен Эл аралык уюмдардын алкагында, анын ичинде, өз ара колдоо көрсөтүү жаатында кызматташтыкты улантууга даярдыгы ырасталды.

Алишер ТОКСОНБАЕВ, өз кабарчы