858 Бардыгы /

ИСЛАМАБАД. Кыргызстандын Пакистан Ислам Республикасындагы Элчиси Эрик Бейшембиев Исламабад стратегиялык изилдөөлөр институту жана Пешавар Университети тарабынан уюштурулган  “Бир алкак-Бир жол демилгеси, Кытай-Пакистан Экономикалык Коридору жана транс регионалдык интеграция” аттуу Эл аралык конференциясына  катышты.

Бул иш-чарага Пакистан министрликтеринин жана мекемелеринин өкүлдөрү, Кытай, Казакстан, Кыргызстан, Тажикстан жана Өзбекстандын  элчилери,  Орусия жана Ирандын Элчиликтеринин кызматкерлери, серепчилер, студенттер жана жалпыга маалымдоо каражаттарынын өкүлдөрү катышышты.  Кыргызстандын Пакистандагы Элчиси Эрик Бейшембиев өз сөзүндө Кыргызстандын Борбор Азиядан Эркечтам жана Торугарт чек ара  бекеттери аркылуу Кытайга, андан арыПакистанга кыска унаа жолу катары маанилүү ролун, Кыргыз Республикасынын “Төрт тараптуу транзиттик ташуу боюнча Пакистан-Кытай-Кыргызстан-Казакстан ортосундагы макулдашууга” катышуусу, ошондой эле Пакистандын Карачи менен Гвадар деңиз портторуна чыгуу мүмкүнчүлдүктөрүн баса белгиледи.

Конференциянын соңунда Кыргыз Улуттук Университети менен Пешавар Университетинин ортосундагы кызматташуу жөнүндө меморандумга кол коюлду.

Алишер ТОКСОНБАЕВ, өз кабарчы