1,119 Бардыгы /

Сузак районуна караштуу Көк-Жаңгак шаарында Өзбекстандан келген зоопарк коюлууда.

Анда 48ден ашуун ар түркүн жаныбарлар болуп, шаар тургундарынын кызыгуусун жаратып жатат.

“Биз Андижандан достук келишиминин негизинде келдик. Азыр  элди кубандырып, жаныбарларды көргөзүп жүрөбүз. Жыйырманчы сентябрга  чейин ушул жерде болобуз. Андан кийин Сузак районундагы башка айылдарга да барабыз.“-дейт зоопарктын жетекчиси Махмуджан ИМИНОВ.

Андан сырткары дар оюндары көрсөтүлүп жатат. Аталган оюн-зоок 11-сентябрда башталып, 20-сентябрга чейин улана тургандыгын белгилеп кетишти.

“Бул аталарыбыздан калган өнөр. Биз Көк-Жаңгак шаарына биринчи жолу келип олтурабыз. Мындан отуз жыл мурун аталарыбыз оюн көргөзүп кеткен экен. Азыр шакирттерим менен биргеликте оюндарды көргөзүп  жатабыз. Коопсуздук жагы да каралган. Он чакты киши келдик, Базар-Коргон районунун тургундарыбыз.  “- дейт дар оюндарынын жетектеген Дилмураджан САИДАКИМХАНОВ.

Жерден 9 метр бийиктиктеги аркан үстүндө дарчылар шаардыктар үчүн ар түрдүү өнөрлөрүн тартуулашууда.

Акылай КАРАБАЕВА, “Аймак”