769 Бардыгы /

БИШКЕК. Тышкы иштер министрлигинин алдындагы Коомдук Кеңеш Ишенгүл Божурованын төрайымдыгы астында кезектеги жыйынын өткөрдү. Бул иш-чарага ТИМдин статс-катчысы А. Омокеев жана түзүмдөрдүн жетекчилери, ошондой эле ведомствонун жооптуу кызматкерлери катышышты.

Жыйын маалында Коомдук Кеңештин мүчөлөрү жана түзүмдөрдүн башчылары Эл аралык Уюмдарда бошогон орундарга өкүлдөрдүн дайындалышын талкуулашты. ТИМдин алдындагы Коомдук Кеңеш аталган жараянда Тышкы иштер министрлигинин ролун мындан ары күчөтүүнү сунуш этишти. Мындан тышкары тышкы саясатта мамлекеттик органдардын өз ара карым-катышы дагы катуу талкууланды. Коомдук Кеңештин мүчөлөрү мында ТИМ чечүүчү ролду ойноого тийиштигине өзгөчө көңүл бурушту.

Соңунда Тышкы иштер министрлигинин алдындагы Коомдук Кеңеш ТИМге жаңы сайтын туруктуу иштетүүнү милдеттендирди.

Алишер ТОКСОНБАЕВ, өз кабарчы