1,514 Бардыгы /

ВЕНА. Вена шаарында Кыргызстандын Австриядагы Элчилиги жана Австриядагы, Венгриядагы, Чехиядагы, Словакиядагы Кыргыз диаспорасынын өкүлчүлүктөрү менен биргеликте Кыргыз Республикасынын Эгемендүүүлүк күнүн эми гана белгилешти.

Куттуктоо сөзүндө Кыргыз Республикасынын Элчиси Бакыт Жусупов мекендештерин Эгемендүүлүк күнү жана «Кыргыз Республикасынын мамлекеттик тили жөнүндө» Мыйзамынын кабыл алынышынын 30 жылдык мааракеси менен чын ыкластан куттуктап, өлкөдөгү социалдык-экономикалык кырдаал, Кыргыз Өкмөтүнүн азыркы күч-аракеттери жөнүндө баяндама жасады. Улуттук маданиятты, эне тилин сактоонун маанилүүлүгүн жана  өлкөнү өнүктүрүүдө чет өлкөлөрдө эмгектенип жүрүшкөн  кызгызстандыктардын салымын жана ролун дагы баса белгиледи. үстүбүздөгү жылы Кыргызстанда болгон маданий-гуманитардык окуялар жөнүндө айтып жатып, Элчи Бакыт Жусупов Кыргызстанда быйыл өткөрүлө турган Турдакун Усубалиевдин 100 жылдык, Саякбай Каралаевдин 125 жылдык жана Батыралы Сыдыковдун 80 жылдык мааракелери жана башка маданий иш-чаралар туурасында дагы кошо маалымдады. Буга улай мекендештер Кыргыз Элчилигинин жарандардын кызыкчылыктарын жана укуктарын коргоодо алып барып жаткан иштери туурасындагы дагы маалымат алышты.

Аталган майрамдык салтанаттын жүрүшүндө Кыргыз диаспорасынын активисттери тарабынан даярдалган маданий оюн-зооктор өткөрүлдү. Коноктордун назарына Жоомарт Бөкөнбаевдин «Чептен эрдин күчү бек» чыгармасы көркөм окулуп, улуттук комузда кол ойнотулуп, кара жорго бийи катыра бийленди.

Алишер ТОКСОНБАЕВ, өз кабарчы