770 Бардыгы /

БУДАПЕШТ. Будапешт шаарында Кыргыз Республикасынын Тышкы иштер министри Чыңгыз Айдарбековдун төрагалыгы астында Түрк тилдүү өлкөлөрдүн кызматташтык Кеңешинин (ТТМКК) тышкы саясий ведомстволорунун башчылары формалдуу эмес жолугушту. Буга Венгриянын Тышкы иштер жана соода министри Петер Сийярто дагы катышты.

Тараптар Өзбекстандын Түрк Кеңешинин толук укуктуу мүчөсү катары болуу чечимин жана Кыргыз Республикасынын төрагалыгы астында Уюмду мындан ары дагы өнүктүрүү боюнча бардык мүчө-өлкөлөрдүн жигердүү катышуусун канааттануу менен белгилешти.  Будапешт шаарында Түрк Кеңешинин Өкүлчүлүгүн ачуу аземи ТТМКК ТИМКнын формалдуу эмес жыйынын маанилүү окуясы болуп калды. Ал ТТМККнын  Европа бөлүмү болуп калат. Министр Чыңгыз Айдарбеков куттуктоо сөзүндө Венгрия Чолпон-Ата шаарында өткөн Саммиттин мурдагы Кеңешинде байкоочу макамын алып, өз борборунда ТТМККнын Европа бөлүмүн ачуу жолу менен Түрк дүйнөсүнө жигердүү интеграцияланып жаткандыгын баса белгиледи.

Аталган формалдуу эмес жыйындын жүрүшүндө 2019-жылдын 15-октябрында Азербайжандын Баку шаарында өтө турган ТТМКК Саммитинде талкууланчу маселелер каралды. Ошондой эле БУУнун Башкы Ассамблеясынын 74-сессиясынын ачылышынын астында өзгөчө актуалдуу болгон Эл аралык уюмдардын алкагында кызматташуу жөнүндө бир катар макулдашууларга дагы жетишилди. 

Алишер ТОКСОНБАЕВ, өз кабарчы