959 Бардыгы /

НЬЮ-ЙОРК. Нью-Йорк шаарында Кыргыз Республикасынын Тышкы иштер министри Чыңгыз Айдарбеков “Терроризмге каршы күрөшүү боюнча Эл аралык жана Аймактык кызматташтык жана аны маңзат трафик жана уюшкан кылмыштуулук аркылуу каржылоо”аталышындагы жогорку даражадагы иш-чарага катышты.

Бул иш-чаранын негизги максаты терроризмге жана радикализмге каршы күрөшүүдө Эл аралык кызматташтыкты мындан ары бекемдөө, терроризмге каршы күрөшүүдө жана аны маңзат трафик жана уюшкан кылмыштуулук аркылуу каржылоодо орун алган тенденцияларды жана проблемаларды аныктоо эле. Иш-чаранын жүрүшүндө сөз сүйлөгөн Кыргыз Республикасынын Тышкы иштер министри Чыңгыз Айдарбеков Эл аралык терроризмге жана экстремизмге каршы күрөшүү, маңзаттарды мыйзамсыз жүгүртүү,транс улуттук уюшкан кылмыштуулук маселелери боюнча эки тараптуу жана көп тараптуу форматта кызматташууну бекемдөнүн маанилүүлүгүн баса белгиледи.

Бул өңүттө Кыргыз Республикасы тарабынан улуттук алкакта, ошондой эле ЖККУ, ШКУ жана башка көп тараптуу механизмдердин даражасында көрүлүп жаткан практикалык чаралар тууралуу жогорку аудиторияга кеңири маалымат берилди.

Алишер ТОКСОНБАЕВ, өз кабарчы