1,237 Бардыгы /

БАТКЕН. Баткен районунун Тажикстан менен чектешкен Орто-Боз жана Үч-Дөбө айылдарына типтүү мектептердин курулушу башталды. Кыргыз Республикасынын Президентинин аппарат жетекчисинин орун басары Алманбет Салиев жана Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров аталган мектептердин курулушуна капсула салышты.

Орто-Боз айылындагы Жолдошбай Момунов атындагы орто мектеби өткөн кылымда, тээ 1938-жылы ашар жолу менен курулуп, учурда авариялык абалга кептелген. Ал эми Үч-Дөбө айылында башталгыч класстар үчүн гана мектеп иштеп,жогорку классттын окуучулары кошуна айылдарга каттап окушат. Мына ушул көйгөйлөр Кыргыз Президенти Сооронбай Жээнбековдун Баткен облусуна болгон иш сапарында жергиликтүү калк тарабынан ачык айтылып, өлкө  башчысы бул көйгөйлөргө өзгөчө көңүл бураарын айтып,натыйжада чек аралаш аймактардын бир топ социалдык көйгөйлөр ыкчам чечилип жатат.

Маселен, Баткен облусунун чек аралаш аймактарындагы көз карандысыз Көк-Таш-Ак-Сай-Тамдык, Ак-Сай-Рават жолдордун курулушун улантуу, Ак-Сай айылындагы мектепти капиталдык оңдоп-түзөөдөн өткөрүү,аталган айыл аймакка эки бала бакча куруу менен Бакай участкасына сугат суу чыгаруу маселелерин чечүүгө республикалык бюджеттен 220 миллион сом ажыратылды. Ушул тапта бул обьекттерде курулуш иштери жүрүп жатса, айрымдары аяктоо алдында турат. Мындан тышкары бүгүн курулушубашталган үч-Дөбө айылындагымектеп 225 орунга ылайыкташып, 35 милион  сомгок урулушу башталды. Ал эми Орто-Боз айылындагы мектеп 150 орунга ылайыкташып, 45 миллион сомго курулууда. Аталган эки мектептең 2020-жылдын сентябрь айына пайдаланууга берүү пландалган. Белгилей кетсек,  чек аралаш аймактагы бул курулуштар өлкө башчысынын жеке көзөмөлүндө турат.

            Алишер ТОКСОНБАЕВ, өз кабарчы