3,029 Бардыгы /

Жалал-Абадда бош жумуш орундардын жарманкеси өттү. Аталган жарманкеде мамлекеттик жана жеке менчик ишканалардан 230 бош жумуш орундар сунушталып, шаары тургундарына маалыматтар берилди.

Жалал-Абад шаардык эмгек жана социалдык өнүгүү башкармалыгынын башчысы Батина Токобаева бул иш-чаранын максаты жумушсуз жарандарды жумуш менен камсыздоо болуп саналарын белгиледи.

“Жарманкени буга чейин да уюштуруп келгенбиз. Негизи жарманкенин максаты окуу жайлардын, мектептин бүтүрүүчүлөрү үчүн кесип тандоо жана кесипке багыт берүү, ошондой эле жумуш менен камсыз кылуу болуп эсептелет. менчигинин түрүнө карабастан көпчүлүк мекеме-ишканалар бош жумуш орундарын биз аркылуу берип жатышат. Алардын ичинде мамлекеттик кызматтардын да бош жумуш орундары бар. Бул жерде жумушка байланыштуу бардык маалыматты ала алышат”,- дейт Б.Токобаева

Жарманкеде жалпысынан 230 бош жумуш орундары сунушталган. Алар: тазалык ишканасы, көрктөндүрүү департаменти, областтык саламаттыкты сактоо бөлүмү, банктар жана башкалар болушкан.

Жалал-Абад шаардык эмгек жана социалдык өнүгүү башкармалыгынын жумуш менен камсыз кылуу бөлүмү менен мэрия биргеликте бош жумуш орундары үчүн жарманке уюштурушкан.