1,483 Бардыгы /

Тамеки тартып баштаган учурдан тартып 5-10 секунддан кийин уулуу химиялык кошулмадардын бардыгы тамеки ууланусун пайда кылуу менен адамдын организмине келип түшөт.

Бул тууралуу Жалал-Абадда “Тамеки чегүүгө каршы күрөшүүнү ММКда чагылдыруу” аталышындагы ЖМК өкүлдөрүнө жана дарыгерлерге өтүлгөн семинарда айтылган.

Чылым чекпеген адам, тамекинин түтүнүнөн дем алып жүргөн болсо, баары бир чылым чеккенге тете. Анткени тамекидеги бардык уулуу кошулмалардан анын бардык кесепеттери менен биргеликте дем алат.

Тамеки чегүү өпкө рагына, адамдын ДНКсынын өзгөрүүсүнө таасир берип, иммунитетти түшүрөт, вирустук жана инфекциялык оорулар менен ооруп калуу ыктымалдуулугу жогорулайт. Мисалы кургак учук менен ооруган 10 адамдын 7си активдүү же пассивдүү тамеки чегүүчү болуп саналат.

Аталган семинар “Кыргызстанда чылым чегүүнүн алдын алуу” Кыргыз-Фин долбоорунун алкагында өткөн. Анда район-шаарлардан келген ЖМК өкүлдөрүнө жана дарыгерлерге толук маалыматтар берилди. Кошумчалай кетсек, аталган долбоор буга чейин тамеки чегүүнүн алдын алууга бир канча аракеттерди көрүп келишкен.