808 Бардыгы /

БИШКЕК. Кыргыз Республикасынын Президенти Сооронбай Жээнбеков «Борбор Азиядагы санарип трансформациясы» Эл аралык конференциясына катышты. Анда мамлекет башчысы өлкөнү санариптештирүү процессин ылдамдатуунун өзгөчө маанисин белгиледи, ошондой эле анны жарандардын жашоосуна киргизүү боюнча негизги көйгөйлөр жана аларды чечүү жолдорун сунуштады.

Маалыматтык технологиялар жана байланыш мамлекеттик комитетинин төрагасы —Кыргыз Республикасынын Президентинин кеңешчиси Дастан Догоев, Ага Хан Уюмунун Өнүгүү боюнча Кыргызстандагы өкүлү Шамши Кассим-Лакха, Жогорку технологиялар паркынын директору Алтынбек Исмаилов, «Etihad Airways» компаниясынын маалыматтык технологиялар жана инновациялар боюнча вице-президенти Кашиф Рана, Мичиган Университетинин Маалыматтык  технологиялар департаментинин вице-президенти Рави Пендсе, Корея Республикасынын Суньчуньян Университетинин Ре гионалдык саясий изилдөөлөр институтунун директору Хак-МинКим, SAP компаниясынын Борбордук жана Чыгыш Европадагы бөлүмүнүн Башкы менеджери Наталья Панина жана башкалар өз  презентацияларын сунуш этишти.

«Борбор Азиядагы санарип трансформациясы» конференциясынын иши эки күн Бишкек шаарында жана бир күн Нарын облусунда уланртылды. Маанилүү иш-чарага чет элдик IT-компанияларынын, ишкер жана илимий чөйрөнүн, ошондой эле мамлекеттик органдардын өкүлдөрү катышышты. Пленардык жыйындарда жана талкууларда Борбор Азиядагы санариптештирүүнү өнүктүрүүгө камалганын ыкмалары, технологиялар чөйрөсүндөгү глобалдык тенденциялар жана башка темалар кызуу талкууланды.

Аталган иш-чараны Борбор Азия Университети, Маалыматтык технологиялар жана байланыш мамлекеттик комитети жана Жогорку технологиялар паркы уюштурушту.

Алишер ТОКСОНБАЕВ, өз кабарчы