738 Бардыгы /

БИШКЕК. Президент Сооронбай Жээнбеков Жапония, Гана Республикасы, Испания Королдугу, Молдова Республикасы, Шри Ланка Республикасы жана Бахрейн Королдугунун Элчилеринен ишеним грамоталарын кабыл алды.

Мамлекет башчысы Сооронбай Жээнбеков адегендеар бир Элчини жеке Кыргызстандагы дипломатиялык ишмердигинин башталышы менен чын ыкластан куттуктап, алардын кесиптик тажрыйбасы өлкөлөр ортосундагы мамилелердин мындан ары өнүгүүсүнө бекем көмөктөшөөрүнө тереңишенгендигин билдирди. Андан ары Дипломатиялык Өкүлчүлүктөрдүн жаңы  башчылары менен өлкөлөр ортосундагы кызматташуунун азыркы абалын жана артыкчылыктуу багыттарын дагы талкуулап, Кыргыз тараптын соода-экономикалык, маданий-гуманитардык, саясий чөйрөлөрдө, ошондой эле инвестицияларды тартуу жана ишкерликти колдоо маселелеринде эки тараптуу байланыштарды кеңейтүүгө кызыкдар экендигин дагы жашырган жок. Мындан ташкары Эл аралык уюмдардын жана интеграциялык бирикмелердин алкагында өлкөлөр менен мамилелерди тереңдетүүгө даяр экендигин убадалады.  Буга улай өз ара кызматташууну активдештирүү, өлкөлөр  ортосундагы мамилелерди бекемдөө боюнча Элчилердин активдүү ишин кубаттай тургандыгын белгиледи.

Соңунда Жапония Элчиси — Сигэки Маэда, Гана Элчиси — Саути Яхья Идди, Испания Элчиси — Давид Артуро Карриедо, Молдова Элчиси — Андрей Негуца, Шри Ланка Элчиси — Нурдин Мохаммед Шахед жана Бахрейн Элчиси Анвар Юсуф Абдулла Аль Абдулла  Кыргыз Республикасынын Президентин Кыргызстан менен эки жана көп тараптуу мамилелердин толук мүмкүнчүлүгүн ачууга бардык аракеттерин жумшай тургандыктарына баса белгилешти.

Алишер ТОКСОНБАЕВ, өз кабарчы