686 Бардыгы /

БИШКЕК. Кыргыз Республикасынын Президенти Сооронбай Жээнбеков Түрк Академиясынын Президенти Дархан Кыдырали менен жолугушту. Жолугушууга Түрк Академиясынын Кыргызстандагы өкүлү, профессор Кадырали Конкобаев катышты. Анын жүрүшүндө билим берүү жана илимий изилдөөлөр чөй         рөсүндө кызматташуу тууралуу пикирлер алмашылды.

Мамлекет башчысы Сооронбай Жээнбеков 2018-жылы Чыңгыз Айтматовдун 90 жылдыгына арналган иш-чараларды өткөрүүдө жана «Манас» эпосун кеңири жайылтууда көрсөткөн көмөгү үчүн Түрк Академиясына тереңыраазычылыгын билдирди. Ошондой эле түрк тарыхы, маданияты жана түрк тилдүү элдердин улуу инсандарына арналган эл аралык конференциялар, форумдар жана семинарларды өткөрүү боюнча Академиянын активдүү ишин баса белгиледи. Маданий-гуманитардык кызматташуу маселелери өлкөлөр ортосундагы эки тараптуу мамилелерди өнүктүрүүдө адан чоңроль ойногондугун баса белгиледи. Мындан тышкары Кыргыз Республикасында үстүбүздөгү жылдын ноябрында өтчү Жусуп Баласагындын Куттуу Билим эмгегинин 950 жылдыгына арналган Эл аралык конференция жогорку деңгээлде өтөрүнө чоң үмүтүн дагы жашырган жок.

Түрк Академиясынын Президенти Дархан Кыдырали Кыргыз Республикасынын Президенти — Түрк тилдүү мамлекеттердин кызматташуу Кеңешинин Төрагасына Академиянын азыркы ишмердиги жана алдыга коюлган артыкчылыктуу пландар тууралуу маалымат берди. Буга улай Кыргызстандын жана Казакстандын элин бириктирген түрк тарыхы жана маданиятын мындан ары дагы жайылтуу максатында Кыргызстандын билим берүү жана илимий уюмдары менен кызматташууну мындан ары кеңейтүүгө даяр экендигин кошумчалады.

Алишер ТОКСОНБАЕВ, өз кабарчы