Аймак

ПРЕЗИДЕНТ СООРОНБАЙ ЖЭЭНБЕКОВ СТРАТЕГИЯ ЖАНА ОПЕРАЦИЯЛАР ЖААТЫНДА СҮЙЛӨШТҮ

ПРЕЗИДЕНТ СООРОНБАЙ ЖЭЭНБЕКОВ СТРАТЕГИЯ ЖАНА ОПЕРАЦИЯЛАР ЖААТЫНДА СҮЙЛӨШТҮ

 629 Бардыгы /

БИШКЕК. Президент Сооронбай Жээнбеков Дүйнөлүк Банктын Европа жана Борбор Азиядагы стратегия жана операциялар боюнча директору Мариам Шерман менен жолугушту.

Кадырлуу конок «Туруктуу өнүгүү үчүн реформаларды илгерилетүү» жогорку деңгээлдеги донордук Форумунун  ишине катышуу үчүн Кыргызстанга келген. Жолугушууда кызматташуунун келечеги, өлкөдө  жасалып жаткан, мунун ичинде Аймактык долбоорлорду жүзөгө ашыруу жөнүндө пикир алмашты. Мамлекет башчысы Сооронбай Жээнбеков Дүйнөлүк Банк өлкөнү өнүктүрүү жаатында социалдык-экономикалык маселелерди чечүүдө абдан активдүү колдоо көрсөткөн ишенимдүү өнөктөш экендигин баса белгиледи. Кыргызстанда аймактарды өнүктүрүү орто мөөнөттүү мезгилдеги негизги милдет катары каралаарын баса белгилеп, Дүйнөлүк Банктын «Аймактарды комплекстүү өнүктүрүү» долбоорун иштеп чыга баштагандыгы үчүн терең ыраазычылыгын билдирди. Ошондой эле Дүйнөлүк Банктын «Келечек үчүн билим берүү» долбоору жана билим берүү мекемелерин реконструкциялоо боюнча долбоору бүгүнкү күндүн талабына жооп бере турган улуттук билим берүү системасына олуттуу колдоо болот деген үмүтүн дагы жашырган жок.

Ал эми Дүйнөлүк Банктын Европа жана Борбор Азиядагы стратегия жана операциялар боюнча директору Мариам Шерман Кыргыз Республикасынын Президенти Сооронбай Жээнбековду өлкөнүн жаркын келечеги үчүң чоң мааниге ээ болгон «Туруктуу өнүгүү үчүн реформаларды ттлгерилетүү» жогорку деңгээлдеги донордук Форумунун ийгиликтүү өтүшү менен кызуу куттуктады. Форумду өткөрүү жакшы идея экендигин, анткени, анда жаңы багыттарды аныктоо боюнча пикир алмашуу үчүн натыйжалуу диалогдук аянтча дагы түзүлгөндүгүн баса белгиледи. Андан ары донорлор өлкөнүн аймактарын өнүктүрүү маселесинде Кыргыз Республикасынын Президентинин шыктануусун көрүшкөндүгүн жана Кыргыз Өкмөтү менен бул багытта тыгыз иштешүүгө болоорун ачыкташты. Мариам Шерман Дүйнөлүк Банк аймактарды өнүктүрүүгө багытталган демилгелерди колдоорун жана Ош облусунда «Аймактарды Интегралдуу өнүктүрүү» долбоорун ишке ашыруу боюнча пландары тууралуу дагы баян этти. Бул долбоор ийгиликтүү жүзөгө ашса, ал андан ары Кыргызстандын башка аймактарында дагы жайылтыла тургандыгына бекем ишендирди.

Бул жолугушууга Борбор Азия өлкөлөрү боюнча Дүйнөлүк Банктын аймактык директору Лилия Бурунчук жана Дүйнөлүк Банктын Кыргызстандагы кеңсесинин башчысы Болормаа Амгаабазар кошо катышышты.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17