Аймак

FACTCHECK.KG БОЛОТ ТЕМИРОВДУН САБАЛЫШЫНА БАЙЛАНЫШТУУ ӨЗ ИЛИКТӨӨСҮН ЖҮРГҮЗӨТ

FACTCHECK.KG БОЛОТ ТЕМИРОВДУН САБАЛЫШЫНА БАЙЛАНЫШТУУ ӨЗ ИЛИКТӨӨСҮН ЖҮРГҮЗӨТ

 947 Бардыгы /

FactCheck.kg маалымат порталынын башкы редактору Болот Темиров өзүнө кол салган кишилерди издөө боюнча журналисттик иликтөө жасай турганын билдирди. Ал тергөөнүн калыстыгына ишенбей турганын белгиледи.

«Биз кесиптештерибиз менен журналисттик иликтөө жасоону чечтик. Буга байланыштуу мен окуяны көргөн жергиликтүү тургундардан, ошол жерде жайгашкан жана видеокөзөмөл камералары бар уюмдардан жардам сурайм. Тергөөгө жардам бере турган видеожазуулары болсо, берүүнү сурайм. Бул кол салуу мага гана болгон жок, башка журналисттерди дагы коркутуу үчүн жасалды», – деди Болот Темиров.

FactCheck порталынын редактору Болот Темировго 9-январда Бишкекте белгисиз адамдар кол салып, сабак кетишкен. Темиров муну өзүнүн кесиби менен байланыштырууда. Ал 12-январдагы социалдык тармактагы баракчасына бул аракеттердин баары аны коркутуу экенин дагы бир ирет жазып, коррупциялык көрүнүштөрдү ашкере кылуу боюнча ишин улантарын билдирди.

Кылмышка шектүүлөр кармала элек. Буга чейин бул ишти ИИМдин жетекчилиги өз көзөмөлүнө алганы кабарланган. Бишкек шаардык ички иштер башкармалыгы окуяны «Карактоо» беренеси менен тергеп жатат.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17