54 Бардыгы /

Бүгүн, 4-декабрда  Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Ала-Бука районунун Кажар айылында курулган 75 орундуу №32 “Алтын Казык” бала бакчасынын ачылыш аземине катышты.

Иш-чарага район акими Руслан Айтбаев жана айыл тургундары катышты. Аталган мектепке чейинки билим берүү мекемеси Ала-Бука райондук өнүктүрүү фонду тарабынан каржыланып, жалпы сметалык баасы 36 млн 300 миң сомду түзгөн

Иш-чаранын алкагында облус башчысы Тилек Текебаев айыл тургундарын жаңы социалдык объекттин пайдаланууга берилиши менен куттуктап, алыскы айылда мындай бала бакчалардын ачылышы ата-энелер үчүн чоң колдоо болоорун белгиледи.