Аймак

ПРЕЗИДЕНТ СООРОНБАЙ ЖЭЭНБЕКОВ ШВЕЦИЯНЫН ПАРЛАМЕНТТИК ДЕЛЕГАЦИЯСЫ МЕНЕН ЖОЛУГУШТУ

ПРЕЗИДЕНТ СООРОНБАЙ ЖЭЭНБЕКОВ ШВЕЦИЯНЫН ПАРЛАМЕНТТИК ДЕЛЕГАЦИЯСЫ МЕНЕН ЖОЛУГУШТУ

 714 Бардыгы /

БИШКЕК. Президент Сооронбай Жээнбеков Риксдагдын биринчи вице-спикери Аса Линдестам баштаган Швеция Королдугунун парламенттик делегациясы менен жолугушту. Анын жүрүшүндө өлөлөр ортосундагы эки тараптуу кызматташуунун актуалдуу маселелери, мунун ичинде парламенттер аралык өз ара аракеттенүүнүн артыкчылыктары жөнүндө кызуу кеп жүрдү.

Президент Сооронбай Жээнбеков Швеция менен эки тараптуу кызматташууну өнүктүрүүгө, ошондой эле парламенттик демократияны бекемдөө жаатында тыгыз кызматташууга кызыкдар экендигин жашырган жок. Прогрессивдүү парламенттик системаны курууүчүн баарынан мурда өнүккөн экономикага ээ болуук еректигин баса белгиледи. Мамлекет башчысы  өлкөдө жарандардын бакубатчылыгын жогорулатуу максатында активдүү иштер жасалып, бир катар инфра түзүмдүк долбоорлор ишке ашырылып жаткандыгын кошумчалады.

-Биз күчтүү жарандык коом жана парламентаризм өлөбүздүн өнүгүүсүнө өбөлгө жаратаарын абдан жакшы түшүнөбүз, —деп баса белгиледи Сооронбай Жээнбеков.

Кызматташуунун артыкчылыктуу багыттары катары Президент Сооронбай Жээнбеков соода-экономикалык жана экологиялык тармактарды атады. Кыргызстан чет өлкөлөрдөн, мунун тчиндеШвециядандагы туруктуу инвесторлордутартууга кызыкдар экендыгын ачыктап, биргелешкен бир катар долбоорлорду ишке ашыруу үчүн ВСП+макамынын артыкчылыктарын активдүү колдонууга үндөдү. Андан ары Кыргызстан Швеция менен өз ара кызыкчылык жараткан бардык багыттар боюнча мамилелерди бекемдөөгө даяр экендигин өзгөчө белгиледи.

Делегация башчысы, Швециянын Риксдагынын биринчи вице-спикери Аса Линдестам Кыргыз Республикасынын Президентине жолугушуу үчүн терең  ыраазычылыгын билдирип, парламенттик делегациянын Кыргызстанга келишинин негизги максаты —Кыргыз-Швед мамилелерин, өзгөчө парламентер аралык кызматташууну бекемдөө экендигин кошумчалады. Швеция парламентинин депутаттары өлкөлөр ортосунда экономикалык байланыштарды бекемдөөгө, соода-экономикалык, тоо-кеништетүү тармактарында жана экологияны коргоо маселелери боюнча кызматташууну өркүндөтүүгө кызыкдар экендигин жашырышкан жок. Швеция тарап мындан ары жемиштүү кызматташууга жана демократиялык институттарды бекемдөө боюнча тажрыйба бөлүшүүгө даяр экендигин убадалады.

Бул жолугушууга Жогорку Кеңеш төрагасынын  орун басары Аида Касымалиева жана Жогорку Кеңеш депутаты, Швеция менен кызматташуу боюнча депутаттык достук тобунун жетекчиси Акылбек Жапаров катышышты.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17