1,590 Бардыгы /

БИШКЕК. Президент Сооронбай Жээнбеков Эмгек жана социалдык өнүктүрүү министри Улукбек Кочкоровду кабыл алды. Анын жүрүшүндө 2020-жылды Аймактарды өнүктүрүү, өлкөнү санариптештирүү жана балдарды колдоо жылы деп жарыялоо жөнүндө Жарлыкты жүзөгө ашыруу боюнча чаралар кеңири талкууланды.

Президент Сооронбай Жээнбеков Жарлыкты ишке ашыруунун алкагында артыкчылыктуу тартипте эки багытка — социалдык кызматтарды көрсөтүү ишин автоматташтырууга жана үй-бүлө институтун колдоого багытталган балдарды жана балалыкты социалдык жактан натыйжалуу коргоону камсыздоого көңүл бурулушу зарылдыгын баса белгиледи. Мамлекет башчысы социалдык жактан коргоого алынбаган категориядагы жарандар, татаал турмуштук жагдайга кабылган балдар жана ден соолугунун мүмкүнчүлүгү чектелгендерди колдоонун жаңы механизмдерин жана ыкмаларын иштеп чыгуунун зарылдыгына дагы көңүл бурду. Көрсөтүлүп жаткан кызматтардын сапатын жакшыртуу жана балдарды асыроонун максималдуу ачыктыгын камсыз кылуунун маанисин дагы белгиледи.

Эмгек жана социалдык өнүктүрүү  министри Улукбек Кочкоров калкты жана эмгек тармагын социалдык коргоо системасын санариптештирүү, балдарды, анын ичинде коомдун социалдык-аярлуу катмарларын колдоо боюнча жүргүзүлүп жаткан иштер тууралуу кеңири айтып берди. Калкка кызмат көрсөтүүнүн сапатын, даректүүлүгүн жана натыйжалуулугун жогорулатуу максатында бардык системаны санариптештирүү боюнча жараян улантылып жатканын дагы билдирди. Ушул тапта аталган Министрликте эки автоматташтырылган база —«Социалдык жардамдын корпоративдик маалыматтык системасы» (СЖКМС) жана «Эмгек рыногунун маалыматтык системасы» (ЭРМС) толук кандуу иштеп жатат. Бул жараяндарды автоматташтыруу жөлөк пулдарды чектөөдө механикалык каталардын кетишин жокко чыгарып, жемкорлук коркунучтарды кыйла азайтып, эки жолу төлөм жүргүзүү мүмкүндүгүн жоюуга жол берээрин белгиледи. Өкмөт мүчөсү мындай чара социалдык жардамды төлөөгө дарексизжолдонупжаткан бир милиард сом бюджеттик каражаттарды үнөмдөөгө  мүмкүнчүлүк  бергендигин баса белгиледи.

Соңунда Президент Сооронбай Жээнбеков мамлекеттик социалдык кызматтарды көрсөтүүнү мындан ары автоматташтыруу боюнча активдүү иштер жасалып жаткандыгын кату кубаттап, жарандардын финансылык жана убактылуу чыгымдарын төмөндөтүү үчүн калкка электрондук форматта социалдык кызмат көрсөтүүнүн жана зарыл справкалардын санын мындан арыдагы көбөйтүү зарылдыгын баса белгиледи.

Алишер ТОКСОНБАЕВ, өз кабарчы