2,356 Бардыгы /

Базар-Коргон районунда менталдык арифметика боюнча областтык олимпиада болуп өттү.  Бул тууралуу Жалал-Абад шаардык методикалык кабинетинин башчысы Айдай Арапбаева билдирди.

“Окуучулар бардык район-шаарлардан келишкен, 20 мүнөттүн ичинде 100 мисал берилген. Окуучулар 100 мисалдын 60-70 суроосуна туура жооп берип, жакшы көрсөткүч көрсөткөн. Алардын арасынан Ала-Бука районунан келген бир окуучу 15 мүнөттө 100 мисалды иштегенге жетишкен.  Ал эми Жалал-Абад шаарынан 13-мектептин окуучусу 1-орунду багындырды”-дейт А.Арапбаева.

Анын айтымында 1-февраль күнү өткөн олимпиадага област  аймагынан 6 жаштан 16 жашка чейинки 413 окуучу катышкан. Алардын ичинен 150 окуучу 1-2-3-орундарга жана  “чемпион, суперчемпион” деген  кубокторго ээ болушкан.

Акылай КАРАБАЕВА, “Аймак”