1,009 Бардыгы /

Өзбекстанда мамлекеттик кызматкерлердин кирешеси менен чыгашасынын дал келүүсүн көзөмөлдөй турган атайын орган түзүлөт. Бул тууралуу өлкө президенти Шавкат Мирзиёев окумуштуулар, өнөр-жай жана изилдөө институттарынын өкүлдөрү менен жолукканда билдирди.

Өз сөзүндө мамлекет башчы кирешелери менен чыгашалары дал келбеген аткаминерлер мыйзам алдында жооп бериши керектигин белгиледи.

– Жаңы түзүлө турган антикоррупциялык орган аткаминерлердин кандай үйдө жашап жаткандыгын, айдаган автоунаалары менен балдарынын окуган жерлерин аныктоо аркылуу коррупциялык факторлорго баа берет. Эми ар бир жетекчи суроолорго жооп берет, — деди Мирзиёев.

Өткөн жылы күзүндө 2020-жылдын 1-январынан тарта акырындык менен мамлекеттик кызматкерлердин мүлкүн, кирешесин жана чыгашасын декларациялоо системасын киргизүү тууралуу президенттин токтом долбоору жарыяланган.

Азырынча бул документ кабыл алына элек.

www.