2,398 Бардыгы /

Кимдин эли эр жүрөк?

АКШнын, РФнын жана КРдин президенттери мелдешип калышат: “Кимдин эли эр жүрөк” деген темада. АКШнын президенти бир жаранын чакырып, биздин элдин намысы үчүн Ак үйдүн 3-кабатынан секир деп буйруса, анысы ойлонбой туруп аткарат . Россиянын президенти да бир мужигин чакырып, “Ак үйдүн 5-кабатынан секир” деп команда берет. Мужик секирет, колу-буту сынат, бирок тирүү калат. Кезек КРдин президентине келгенде бир кыргызды чакырып, кана эми намыска жарап бер, Ак үйдун 7-кабатынан секир деп буюрат. Кыргыз төшүн кагып: “Эмне-е, арка мойнум астымда калсын деген турасынбы, андан көрө окко төшүмү тоссом да, сени кетирип тынам, президенттиктен”- дептир.
КРдин президенти тигилерге карап: – Кана, кимибиздин калкыбыз эр жүрөк экен, экөөңөргө каяша айта албай, ойлонбой туруп секирген силердикиби же ажодон да, октон да тайманбаган меникиби? – деген экен.

Адамдардан сак бол
Шайтан кичинекей баласына шаарды тааныштырып жүрөт. Бул өкмөт үйү, тигил клуб болот, бул жолдун аты баланча деп. Анан адамды көрүп баласы менен жашынып калат.
Анда баласы:
-Ата бул ким эмнеге жашынып атабыз андан.
-Балам бул, адам деген болот. Булардан сак бол колдон келсе, аларга жолобо. Себеби алар өзүлөрү жаман иштерди кылып коюп, бизге шылтай беришет,- деген экен.