1,085 Бардыгы /

Кыргыз республикасынын өкмөтүнүн вице-премьер-министри Акрам Мадумаров атайын иш сапары менен Ала-Бука, Аксы райондорунда болуп чек арага чектеш аймактарды кыдырды.

Иш сапарын Ала-Бука районундагы Көк-Таш жана Көк-Серек айыл аймактарындагы такталбаган чек ара аймактары менен таанышуудан баштады. Көк-Ташта эл менен жолугушту, элдин чек ара боюнча суроо талаптарын укту. Андан соң Көк-Таш айылындагы чек ара заставасында болуп чек арачылардын турмушу менен таанышты. Көк-Серек айыл аймагындагы тактала элек мал жайыт катары пайдаланып жаткан жерлерди коруп чыкты жана бул жерлер мамлекеттик денгээлде суйлөшүү жолу менен чечиле тургандыгын билдирди. Андан кийин Ала-Бука районунун Балтагулов айыл аймагынын Баймак айылындагы чек ара өткөрмөсүнүн ишин көрүп, Ак-Коргон айыл аймагында болуп чек ара тилкелеринин чечилишине аракеттене тургандыгын билдирди. Иш сапарын Аксы районун такталбаган чек ара аймактары менен таанышуу менен аяктады.

Абдымомун КАЛБАЕВ, Ала-Бука району.