1,050 Бардыгы /

2-мартта Казакстандын Павлодар облустук сотунун кылмыш иштери боюнча коллегиясы 2016-жылы түзөтүү абагында болгон кыйноо иши боюнча апелляциялык доо арызды карап, өкүм чыгарды.

Ага ылайык, АП-162/3 түзөттүү абагынын соттолгон эки кызматкеринин жаза мөөнөтү азайтылып, өкүмдүн калган бөлүктөрү өзгөрүүсүз калды.

Аппеляциялык сотто 2016-жылы Павлодар түрмөсүндө дзюдо боюнча Казакстандын бир канча жолку чемпиону Бахытжан Абдыкаримов менен камактагы Саин Муратбековдун өлүмү боюнча доо арыз каралды.

Бул иште жабырлануучу катары өтүп жаткан маркум дзюдочунун иниси Жандос Абдыкаримов агасын өлтүрүлгөн деп эсептегендиктен, «Адамды өз жанын кыюуга чейин жеткирүү» беренеси боюнча өкүмдү жокко чыгарууну талап кылган. Дагы бир жабырлануучу — Саин Мурабековдун атасы Кылышбай Муратбеков өкүмдү өзгөртүп, соттолуучуларды «Кыйноо» беренеси менен 12 жылга эркинен ажыратууну өтүнгөн.

Өз кезегинде соттолуучулар айыптарды четке кагып, актоону суранышты.

Павлодар шаардык соту 2019-жылы 4-сентябрда бул иш боюнча айыпталган 14 адамды беш жылдан жети жылга чейинки мөөнөттөргө эрктеринен ажыраткан.

Алгач айыпталуучу катары 16 киши өтүп жаткан. Бирок сот жараяны аяктаганга чейин алардын экөө каза болуп калган.

Эл аралык укук коргоо уюмдары менен Батыш өлкөлөрү Казакстандын бийлигин абактардагы кыйноо учурларын токтотууга чакырып келишет.

www.