956 Бардыгы /

Жазуучу, котормочу жана Кытайдагы уйгурлардын маселесин козгоп жүргөн окумуштуу Евгений Бунин кайрадан Өзбекстанга киргизилген жок. Бул тууралуу Eurasianet интернет-басылмасы кабарлады.

Маалыматка караганда, Орусиянын жана АКШнын жарандыгына ээ Бунин америкалык паспорту менен Өзбекстанга кирүүгө аракет кылып, 30 күндүк виза алган. Бирок 1-мартта ал өзбек-казак чек арасынан токтотулуп, өлкө аймагына өткөрүлгөн эмес.

Бул өзбек бийлиги Евгений Бунинди Өзбекстанга киргизбей койгон экинчи учур. Алгачкы жолу ал 2019-жылы ноябрда Алматы-Ташкент каттамы менен учуп барганда кайра артка кайтарылган. Анда аэропорт кызматкерлери анын өлкөгө киргизилбегендигинин себебин айтышкан эмес.

Бунин өзү өзбек бийлигинин бул аракети анын Кытайдагы уйгурлардын көйгөйлөрү тууралуу изилдөөлөрүнө жана Xinjiang Victims Database долбооруна байланыштуу деп эсептейт. Учурда бул базада Шинжаң аймагындагы Кытай саясатынын дээрлик 8 миңдей курмандыгы тууралуу маалымат бар.

www.