1,196 Бардыгы /

Өзбекстандын Анжиян облусундагы Асака райондук акимчилиги жергиликтүү ишканаларды өз эсебинен бактын көчөттөрүн сатып алууга мажбурлап жатат.

Райондогу мектептердин биринин директору акимчилик аларга өз эсебинен 50 көчөт сатып алууну тапшырганын билдирди. Анын айтымында, ири ишканалар менен уюмдар кымбат баадагы 500дөн көчөт сатып алууга милдеттендирилди.

«Облус башчысынын демилгеси менен 25-февралда көчөт отургузуу боюнча «Эко шаар» өнөктүгү башталган. Бул акциянын алкагында мага өз эсебимден карагайдын 50 көчөтүн сатып алуу тапшырылды. Бир көчөт 20 миң сум турат. Ошондо мага 50 көчөттү 1 миллион сумга (100 доллар) сатып алууга туура келет», — деди директор.

Бул маалыматты акимчиликтин аты-жөнүн билдиргиси келбеген өкүлү ырастап, мамлекеттик бюджеттен айлананы жашылдандырууга акча бөлүнгөнүн, бирок район башчысынан эч ким ал акча кайда жумшалганын сурай албай жатканын айтты.

www.