742 Бардыгы /

Каракалпакстандын Тахиаташ районунда ак кан (лейкоз) менен ооруган 12 жаштагы кыз каза болду.

Каракалпакстандын саламаттык сактоо министринин орун басары Гаухар Абдисаметованын айтымында, кыздын апасы Рашид Картбаев аттуу элдик дарыгердин айткандарына ишенип, химиялык терапияны токтотуп, кызын жаныбарлардын сөөгүнөн жасалган күкүм менен дарылаган.

– 12 жаштагы кыз биздин райондук ооруканада каттоого алынган. Апасы жаныбарлардын сөөгү жана канаттуулардын жүнүнөн жасалган күкүмдүн дарылык касиетине ишенип, химиялык терапияны токтотуп койгон. Ал күкүмдүн дарылык касиети тууралуу эч нерсе айта албайм, бирок кыз ак кан оорусунан каза болгону ырас», — деди министрдин орун басары.

Жергиликтүү тургундардын айтымында, Картбаев үй жаныбарларынын сөөгүнөн жана канаттуулардын жүнүнөн жасалган күкүмдөрдү «бардык ооруга дары» деп, бейтаптарга сатып келет. Анын бул «дарыларынын» баасы 85 000-350 000 сум (8-36 доллар) турат.

Президент Шавкат Мирзиёев кол койгон токтомго ылайык, өлкөдө элдик медицина менен алектенүүнү каалаган жарандар атайын уруксат (лицензия) алышы керек. Саламаттык сактоо министрлигинин маалыматына караганда, Картбаевдин мындай лицензиясы болгон эмес.

www.