1,906 Бардыгы /

БИШКЕК. АКШнын Мамлекеттик департаменти 2019-жылдын адам укуктарынын абалы боюнча Баяндамасын жарыялады. Бул жылкы Баяндама адам укуктар чөйрөсүндө Кыргыз Республикасынын аймактагы лидер өлкө катары жасалган учурдагы жетишкендиктери, ошондой эле сөз жана чогулуш эркиндиктеринин начарлашы баса белгиленди.

АКШнын Мамлекеттик департаментинин Баяндамасында жарандык коом менен Кыргыз Өкмөтүнүн өлкөдөгү жарансыздык маселелерин чечүү үчүн таасирдүү күч-аракеттер, мунун ичинде мамлекеттин бардык мурдагы жарандыгы жок адамдарды каттоо жана жарандыкты күбөлөндүргөн документтерди берүү, учурдагы жарандык коом жана мамлекет тарабынан мониторинг жүргүзүүчү мекемелер аркылуу кыйноого каршы күрөшүү жана түрмөлөргө болгон жеткиликтүүлүктү мындан дагы жакшыртуу жагы баса белгиленди.

Буга улай сөз жана чогулуштар эркиндигине олуттуу чектөөлөр, мунун ичинде тынч демонстрацияларга тыюу салуу, социалдык тармактарда жазган белгилүү адамдардын камалышы жана тынч демонстрациялардын уюштуруучуларына карата коопсуздук кызматтардын тарабынан жүргүзүлгөн тергөөлөр, кылмыш иштерин козгоо жагы абдан катуу айыпталды.

АКШнын Мамлекеттик департаменти Кыргызстандагы жалпыга маалымдоо каражаттарындагы бир катар жакшыртууларга карабастан, Кыргыз Республикасындагы ЖМКларга карата улантылып жаткан коркутуп-үркүтүүлөр, мунун ичинде жасалма сот иштери, Кыргыз Өкмөтү тарабынан бир катар ЖМКлардын жабылышы жана журналисттердин такай зордук-зомбулук менен коркутуп-үркүтүүгө кабылышы катуу кабатырлантып жаткандыгын дагы катуу эскертти.

Алишер ТОКСОНБАЕВ, өз кабарчы