900 Бардыгы /

ХАРЬКОВ. Кыргыз Республикасынын Украинадагы Элчиси Жусупбек Шарипов Украинанын Харьков областында убактылуу жана туруктуу жашап жатышкан кыргыз жарандары менен жолугушту.

Жолугушуу маалында Кыргыз Элчиси Жусупбек Шарипов жарандарга Элчиликтин азыркы ишмердүүлүгү жөнүндө баян этип, мекендештерин консулдук каттоого турууга үндөп, өлкөнүн чет жакта жүргөн жарандарынын жашоо-турмушун жеңилдетүүгө багытталган саясаты, “Мекен карт” киргизүү (Президент Сооронбай Жээнбековдун катышуусу менен өткөн “Мекендештер” форумунун жыйынтыгы боюнча демилгеленген), консулдук кызматтарды көрсөтүүдө заманбап технологияларды колдонуу, Харьков шаарында Кыргыз Республикасынын Ардактуу консулдугун ачуу жөнүндө айтып берип, жарандардын суроолоруна дагы ынандыраарлык жоопторду кайтарды.

Соңунда Кыргыз Элчиси Жусупбек Шарипов мындай ачык-йкын жолугушууларды кыргызстандыктар байырлаган Украинанын бардык аймактарында өткөрүүнү дагы катуу убадалады.

Алишер ТОКСОНБАЕВ, өз кабарчы