1,156 Бардыгы /

Ала-Бука РИИБдин жашы жете электер менен иштөө инспекциясынын кызматкерлеринин демилгеси менен «Биз ыймандуу жаштарбыз» аталышындагы иш-чара өткөрүлдү. Бул тууралуу Жалал-Абад ОИИБдин Басма сөз кызматы маалымдады.

Маалым болгондой, иш-чаранын алкагында демилгелүү жаштардын тобу куралып, Т.Балтагулов айыл аймагындагы карылардын үйүндө ишембиликтер уюштурулду.

Ишембиликте милиция кызматкерлери жаштар менен чогуу карылардын үйүндө короолорун ирээтке келтиришип, бак-дарактарын актап сырдашты. Жаз келип талаа жумуштары башталуу алдында тургандыктан чакан короо-жайдын ичиндеги жерлер тебилип, жашылча-жемиштердин орду даярдалды. Бул алгылыктуу жумуштарга ыраазы болгон карылар уюштуруучуларга жана жаштарга ак батасын беришип, аларга бекем ден соолук, иштерине ийгилик, узун өмүр каалашты.

“Аймак”