Мындай чара улуттук валюта рекорддук деңгээлде кунун жоготкон жагдайда кабыл алынды. Акыркы үч жумада теңгенин долларга карата курсу 18 пайызга төмөндөгөн. 19-мартта карантинге жабылган Нур-Султан жана Алматы шаарларынын жашоочулары азык-түлүктүн айрым түрлөрү кымбаттаганын билдиришүүдө. Башка шаарларда көп балалуу үй-бүлөлөр жергиликтүү акимчиликтерге келишип, азык-түлүктөн жардам берүүнү талап кылышууда.

Токавев өзгөчө абал учурунда ишсиз калган үч миллионго жакын адам эң төмөнкү айлык акы көлөмүндө – 42 500 теңге (болжол менен 95 доллар) жардам аларын да айтты.

“Бул колдоого өзүн-өзү жумуш менен камсыздагандар менен расмий түрдө каттоодон өтпөй иштегендер да ээ болот. Көмөк тартип боюнча чындап эле муктаж адамдарга берилет”, – деди.

Казак президенти билдиргендей, биринчи, экинчи, үчүнчү топтун майыптары жана расмий түрдө жумушсуз катары каттоодон өткөн жарандар дагы бекер азык-түлүк алат.

1-июлга чейин милдеттүү медициналык кепилдиги бар-жогуна карабай, бардык жарандарга медициналык жардам көрсөтүлөт.

Казакстан президенти орто жана чакан бизнес өкүлдөрү үч ай – 1-апрелден тартып 1-октябрга чейин салыктан бошотуларын да белгиледи.

Казакстанда 1-апрелге карата 343 киши коронавирус жуктуруп алды. Илдет Костанай облусунан башка бардык аймакта тараган. Эки киши көз жумду.