995 Бардыгы /

Анжиян шаарында Рамазан айында жергиликтүү тургундардын үйлөрүн кыдырып саарлыкка ойготкон кишилердин тобу пайда болду. Бул учур тартылган видео соцтармактарда тарады.

Анжияндык жашоочулардын бири мындай түнкү кыйкырыктар тынчын алып жатканын билдирди:

– Бул эмне деген обу жоктук?! Түнкү саат 2:30да дарбазага келип, саарлыкка турууга чакырып, кыйкырып жатышат. Азыр 7-кылым эмес да! Баарынын үйүндө мобилдик телефондор жана сааттар бар. Орозо кармаган кишилер качан турууну өзүлөрү деле билет.

Өзбекстандык юристтердин биринин айтымында, элдин тынчын алып кыйкыргандар Административдик жоопкерчилик жөнүндөгү кодекске ылайык жазага тартылышы ыктымал. Өлкөдө 23:00дөн 6:00гө чейин жарандардын түнкү эс алуусун бузууга: катуу ырдоого, музыкалык аспаптардын үнүн бийик чыгарууга, үн күчөткүч аппараттардын жардамы менен ызы-чуу салууга тыюу салынат.

Өзбекстандын мыйзамдарына ылайык, жогорудагы талаптарды бузган жарандарга 22 доллар өлчөмүндө айып пул салынат.

Өзбекстан Мусулмандар дин башкармалыгы исламда саарлыкка ойготуу деген түшүнүк жок экенин, орозо кармагандарды ойготуу үчүн азан гана айтыларын билдирди.

WWW.