1,529 Бардыгы /

Хожент шаарынын тургундары ооруканаларда күнү-түнү иштеп жаткан дарыгерлерге колдоо көрсөтүп, ысык тамак таратып жатышат.

Бул демилгени “Фейсбук” колдонуучуларынын бири көтөрүп, Хожент шаарынынын тургундарынын арасында чоң колдоого ээ болгон. 27-апрель күнү кечинде активисттер ысык тамак, суусундуктарды Согди облусунун медициналык кызматкерлерине таратып беришти.

Акциянын демилгечилеринин бири Назира Тохированын айтымында, коопсуздук чаралары сакталып, тамак аш терезеден берилди.

Акыркы маалыматтар боюнча Согдидеги облустук ооруканага 200дөй киши пневмония белгилери менен жаткырылган. Алардын ичинен 4 киши мерт болуп, 10дон ашыгы жандандыруу бөлүмүндө.

Тажиктанда коронавирустун лабораториялык шартта далилденген учуру каттала элек. Ошол эле маалда өпкөсү сезгенип, кургак учуктан бир нече кишинин каза тапканы, маркумдар жабык табытта жерге берилип, алардын жакындары карантинге алынып жатканы сыяктуу кабарлар чыгып жатат.

WWW.