1,016 Бардыгы /

28-апрелде Алматы акимчилиги «Барыс-4» базарын санитардык талаптарга жооп бербейт деген жүйө менен кайрадан жапты. Буга нааразы болгон жүздөй соодагер базар алдына чогулуп, 26-27-апрелде соода орундары ачылганын, администрация ижара акысын жыйнап алганын айтышты.

Окуя болгон жерге келген Алмалы районунун акими Беккали Торгаев базардын шарты санитардык нормаларга туура келбей турганын билдирип, карантин бүткөнчө ишке чыкпай турууну сунуштады. Ал ижара акысын базар жетекчилиги менен чечүү керек экенин белгиледи

Соодагерлердин нааразылыгынан кийин базарга полиция автоунаалары келип, күзөт коюлду.

Базардын юристи Самат Нуршабаев «Азаттыктын» казак кызматына чогултулган ижара акы кийинки ай үчүн эсептелерин кабарлады.

Алматыдагы «Барыс-4»​ дүң базарлардын бири болуп эсептелет.

Казакстанда 16-мартта киргизилген өзгөчө абал 11-майга чейин уартылган. Өлкөдө 3000ден ашуун киши вирус жуктуруп алган.

WWW.