1,565 Бардыгы /

Москвада активисттер тобу Жардам берүү кеңешин түзүшүп, коронавирус инфекциясын жуктуруп алган изоляциядагы мигранттарга жардам беришүүдө. Анын курамына укук коргоочулар, журналисттер, юристтер, коомдук ишмерлер жана аткаминерлер кирди.

Кеңештин максаты – вирус жуктурган мигранттардын обочолонуусуна көзөмөл жүргүзүү жана аларга материалдык жардам берүү. Ыктыярчылар коронавирус менен ооруган кишилерге азык-түлүк жеткирип беришүүдө.

Москвадагы батирлердин биринде өзбекстандык бир үй-бүлө толугу менен коронавирус инфекциясына чалдыккан, илдеттин формасы жеңил болгондуктан алар ооруканага жаткырылган эмес. Төрт жумадан бери сыркоолоп жаткан Абдумалик ооруну жайылтпоо үчүн дүкөнгө да чыга албай калганын айтат:

– Мен азыр өзүмдү жакшы сезип калдым, машыгып жатам. Эшикке чыгууга болбойт. Балкондон гана таза аба менен дем алып жатабыз. Кудайга шүгүр, баары жакшы, азык-түлүк алып келүүдө гана көйгөй жаралды. Бирок бизге жардам беришти, – деди ал.

Активисттер төрт тилде иш алып барган ыкчам линия да түзүштү, мигранттардын айрымдары орус тилин жакшы билбегендиктен, “тез жардам” да чакыра албай калышууда.

Кеңешке демөөрчүлөр жардам берүүдө.

WWW.