849 Бардыгы /

Кремль Конституцияга өзгөртүүлөрдү киргизүү боюнча добуш берүүнү жана Жеңиш парадын бир күндө, 24-июнда өткөрүүгө ниеттенүүдө. Бул тууралуу РБК Орусия президентинин администрациясындагы өз булактарына таянуу менен жазды.

24-июнь Жеңиш парады үчүн негизги дата катары каралууда. 1945-жылы ушул күнү Улуу Ата Мекендик согуштагы жеңиштин урматына аскердик парад өткөн.

Эгер референдум дагы 24-июнга белгиленсе, шаршемби дем алыш күн катары жарыяланат.

Эпидемия шартында жарандардын коопсуздугун камсыздоо үчүн почта аркылуу добуш берүү нормасы да киргизилиши ыктымал.

Орусия президенти Владимир Путин 25-мартта коронавирус пандемиясына байланыштуу Конституция боюнча референдумду белгисиз мөөнөткө жылдырган. Кийинчерээк Жеңиш парады да убагында өтпөй турганы белгилүү болгон.

Орусияда 19-майга карата коронавирус инфекциясын жуктургандардын саны дээрик 300 миң кишини түздү.

www.