1,050 Бардыгы /

БИШКЕК. «Fly Dubai» авикомпаниясынын бортунда Бириккен Араб Эмираттарында эмгектенип жүрүшкөн 187 Кыргыз жараны Мекенине учуп келишти. Бул авиакаттам Кыргыз Республикасынын Президентинин тапшырмасына ылайык таажы дартынын алдын алуу максатында аткарылды.

          Айтмакчы, адегенде бардык авижүргүнчүлөр таажы дартына байланыштуу экспресс-тест тапшырышты. Бардыгын саламатчылыгы жайында экендиги билингенден кийин гана алар учакка олтургузулду. Ушул тапта Бириккен Араб Эмираттарынан учуп келишкен Кыргыз жарандары атайын тартипте обсервцияга жайгаштырылды. Бул жерде алар медициналык тыкыр кароодон дагы өтүшмөкчү.

          Ушул тапта чет өлкөлөрдө жүрүшкөн Кыргыз жарандарын Мекенине кайтаруу жараяны дагыле үзгүлтүскүз улантылууда.

Алишер ТОКСОНБАЕВ, өз кабарчы