ӨРТКӨ КАРШЫ КЫЗМАТЫНЫН ТҮЗҮЛГӨНДҮГҮНҮН 94 ЖЫЛДЫГЫ БЕЛГИЛЕНДИ

1,655 Бардыгы /

Бүгүн, 2020-жылдын 15-июнь күнү КРдин Өзгөчө кырдаалдар министригинде Өрткө каршы кызматынын түзүлгөндүгүнүн 94 жылдыгы өткөрүлдү. Иш-чарага өрт өчүрүү тармагында кесип аркалаган ардагерлер, ӨКМдин жетекчилиги, министрликтин түзүмдүк жана аймактык башкармалыктардын башчылары, өздүк курам катышты.

Иш-чаранын жүрүшүндө өзгөчө кырдаалдар министри Замирбек Аскаров ардагерлерди жана өздүк курамды жылуу куттуктап, калоо-тилектерин айтып өттү.

“Урматтуу ардагерлер, урматтуу өрт өчүрүүчүлөр! Тилсиз жоо менен алпурушуп, адамдардын өмүрүн жана материалдык-баалулуктарды сактайсыдар. 2020-жылдын 5 ай аралыгында өткөн жылга салыштырмалуу өрттүн саны 30% азайган, бул да болсо жалпыбыздан өрттү алдын алуу аракеттеринин натыйжасы десем жаңылышпаймын. Алган сыйлыгыңыздар куттуу болсун, мен сиздер менен сыймыктанам, урматтуу өрт өчүрүүчүлөр”, -деди министр З.Аскаров.

Андан соң өрт өчүрүү тармагында иштеген ӨКМдин ардагерлери жана өз кызматын мыкты, моралдык-ишмердүүлүк, кесиптик жана жеке сапаттары менен өзгөчөлөнгөн өрт өчүрүүчүлөр министрликтин ведостволук төш белгилери, “Ардак грамота” жана башка сыйлыктары менен сыйланышты.

Кошумчалай кетсек, 2020-жылдын 5 ай ичинде республика боюнча 828 өрт кырсыгы катталып (2019-ж. 1193), өткөн жылга салыштырмалуу өрттүн саны 30,6% азайган.

Тарых баракчалары:

1926-жылы 20-майда Фрунзе шаардык кеңеши шаар аймагында профессионалдык өрткө каршы түзүм уюштурууну токтом менен кабыл алынган. Бирок акча каражаты жетишпегендиктен шаар чарбасынын керексиз буюмдарын сатып, сатыктан түшкөн каражатка өрткө каршы каражаттарды сатып алуу чечими кабыл алынган. Ушул багыттагы иш аракеттердин баары 1926-жылдын 15-июнуна даяр болгон. 1926-жылдын 10-июнунда «Крестьянский путь» шаардык гезит беттерине 15-июнда Кошчу көчөсүндө биринчи шаардык өрткө каршы команда түзүлгөндүгү жана ачылышы болорун жарыяланган. 15-июнь күнүн Өрткө каршы кызматтын туулган күнү деп эсептелинип калган. Кыргыз Республикасынын Өкмөтү 1994-жылы 28-октябрда № 795 Токтому менен бул күн «Мамлекеттик өрткө каршы кызматынын күнү» деп бекитилген.

«Кыргыз Республикасынын Ички иштер министрлигинин Өрткө каршы мамлекеттик кызматын реформалоо боюнча» Кыргыз Республикасынын Президентинин 2003-жылдын 24-август айындагы Жарлыгынын негизинде 2003-жылдын 1-октябрынан тартып Кыргыз Республикасынын Ички иштер министрлигинин Өрткө каршы мамлекеттик кызматынын өздүк курамы, баш ийген аймактык бөлүктөрү ошондой эле өрт техникалары жана байланыш бөлүмдөрү Кыргыз Республикасынын Экология жана өзгөчө кырдаалдар министрлигинин карамагына өткөрүп берилген, бүгүнкү күндө ӨКМдин курамында.

Статистика

2020-жылдын 5 ай ичинде республика боюнча 828 өрт кырсыгы катталып (2019-ж. 1193), өткөн жылга салыштырмалуу өрттүн саны – 30,6% азайган. Өрттүн кесепетинен 8 адам каза таап (2019-жылы 26 адам), жана 12 адам жабыркаган (2019-жылы 33). Өрттөн 21 адам куткарылган. 529 өрт турак жай секторунда катталып, өрттүн жалпы санынын 63,9 % түзгөн.

Өрттөрдүн негизги себептери:

электр жабдууларын колдонуудагы этиятсыздыктан -43,1%;

мештерди жана морлорду этиятсыздык колдонууда – 15,7%;

отко этиятсыздык менен мамиле кылуу – 14,6%;

балдардын от менен ойноосуунан – 4,8%, өрт кырсыгы болду.

Болуп өткөн өрттөрдүн саны төмөндөгүчө бөлүнөт:

• Бишкек шаарында – 141;

• Чүй облусунда – 215;

• Ош облусунда – 111;

• Жалал-Абад облусунда – 102;

• Ысык-Көл облусунда – 103;

• Нарын облусунда – 40;