1,038 Бардыгы /

Бүгүн Жалал-Абад мамлекеттик университетине абитуриенттерди кабыл алуу башталды. Бул тууралуу аталган окуу жайдын кабыл алуу комиссиясынын жооптуу катчысы Эмил Төлөнов билдирди.

Бүгүн, 20-июлда ЖОЖго кабыл алуунун биринчи туру башталды. Биринчи тур 22-июлда саат 14:00дө аяктайт.Жылдагыдан өзгөчөлүгү катары быйыл абитуриенттер окууга онлайн форматта тапшырып жатышат. Ал үчүн атайын сайт түзүлгөн жана бүтүрүүчүлөргө маалыматтар берилген. Экинчи тур 27-июль күнү башталса, үчүнчү тур 3-5-август күндөрү өтмөкчү. 

Билим берүү министрлигинин буйругуна ылайык ЖРТдан 105 балл алгандар контракттык негизде, ал эми 110 баллдан жогоркулар бюджеттик системада окууга сынакка катыша алышат.

Кошумчалай кетсек, Жалал-Абад мамлекеттик университетинде учурда 15 миңге жакын студент билим алат.

“Аймак”