1,359 Бардыгы /

Замира Орунбаева Жалал-Абад облустук үй-бүлөлүк медицина борборунун директору, Саламаттыкты сактоо министрлигинин облустагы координатору болуп дайындалды. Тиешелүү буйрукка 23-июлда саламаттыкты сактоо министринин орун басары Мадамин Каратаев кол койду.

Жаңыдан дайындалган жетекчи З.Орунбаева алгач 3 айлык сыноо мөөнөтү менен кызматка бекитилген. Ал буга чейин Сузак райондук медицина борборунун башкы дарыгери болуп келген. Учурда бул кызматта, тактап айтканда Сузак райондук үй-бүлөлүк медицина борборунун башкы дарыгери болуп Матлюбахан Рахманбердиева келди.

Буга чейин аталган борбордун директору, министрликтин Жалал-Абад облусундагы координатору болуп келген Нурдин Эрматов 2018-жылдын сентябрь айынан бери борборду жетектеп келе жаткан. Ал ден соолугуна байланыштуу өз арызынын негизинде ээлеген кызматынан бошотулган. 24-июлдан тарта Жалал-Абад облустар аралык «Бакыт» балдар реабилитациялык борборунун башкы дарыгери болуп ишмердүүлүгүн улантмакчы.

«Аймак»