765 Бардыгы /

Австралияда эмгектенген ала-букалык жаран Биринчи май айыл аймагындагы ооруканага жардам берди.

Австралияда 30 жылдай убакыттан бери эмгектенип жаткан жаран 1000 доллар кажарат бөлгөн. Анын негизинде аймактык ооруканага муздаткыч, кондиционер жана керектүү буюм-тайымдар тапшырылды.

Аталган айылдын тургуну Алишер Тажибаевдин айтымында буга чейин айыл жаштары да дарыгерлерге коргоочу каражаттарды алып берип, колдоо көрсөтүп келген. Ал эми бул жардам алгачкыларыдар болгонун белгилейт.

«Дарыгерлердин мээнетин баалап Австралияда эмгектенип жаткан мекендешибиз өз эсебинен каражат бөлүп берди. Дарыгерлерге бир аз болсо да шарт түзүп берүү үчүн керек болгон буюм-тайымдарды сатып берип, аларды алып барып тапшырдык. Буга чейин айыл жаштары каражат чогултуп, кычкылтек концентраторун, коргоочу кийимдерди алып берген. Мындай жардам алгачкылардан болуп көрсөтүлүүдө», – деди А. Тажибаев.

15 миңдей жашооусу бар айыл аймак коңшу Өзбекстан менен чектешип, район борборунан 60 чакырымдай алыс аралыкта жайгашкан. Ушул тапта айыл аймактагы мектептин спорт залына 20 орунга даярдалган күндүзгү стационар ачылган.

“Аймак”