771 Бардыгы /

Жалал-Абадда “Сузак районунун жергиликтүү муниципалитеттерине муницпалдык кызматтарды ар тараптуу өнүктүрүүдө жана жергиликтүү стратегиялык чечимдерди кабыл алууда мамлекеттик жеке кызматташуунун алкагында интеграциялык диалогду түзүү” долбоорунун алкагында пилоттук 4 айыл аймактын жумушчу топтору менен жолугушуу өткөрүлдү.

Жолугушууда пилоттук: Сузак, Кара-Дарыя, Атабеков, ырыс айыл аймактарынын жумушчу топтору долбоор даярдоо, эмнелерге көңүл бөлүү керектиги айтылды. Айыл аймактар тарабынан даярдалган долбоорлор талкууланып, презентацияланды.

Долбоордун ишке ашыруучулары өнүгүүнүн негизги кадамы жоопкерчилик менен биримдикте экенин белгилешет. Бул иштер үчүн жоопкерчилик алып, биргеликте иш алып баруу тийишүү деңгээлде жемишин берет деп эсептешет.

Ырыс айыл аймагынын жумушчу тобунун мүчөсү Рахимжан Маматалиев  бул тууралуу төмөнкүлөрдү билдирди.

“Биринчи фокус топторду түзүлүп, андан соң жумушчу топ болуп тандалын алындык. Жеке ишкерлер, мүмкүнчүлүгү чектелген, үй-бүлө мүчөсү мигрант болгондордон, аз камсыз болгон үй-бүлөлөрдөн сурамжылоо жүргүздүк. Анын негизинде өзүбүздүн долбоорлорду түздүк.  Азыр ошол боюнча окууга катышып жүрөбүз. Негизи биз долбоор жазуунун жакшы жолун таба алдык. Алдыда өзүбүз сунуштаган долбоорду презентациялап, коргоого аракет кылабыз”,-дейт Р. Маматалиев.

Ал эми Сузак айыл аймагынын жумушчу тобунун мүчөсү Махабат Бекташева долбоорду ишке ашыруу менен жумушсуздук көйгөйүнөн арылууга болорун айтат.

“Бул долбоор азыркы оор кырдаалда жакшы жыйынтык берерине ишенем. Төрт айыл өкмөт бири-бирине жакын жайгашкандыктан ушул долбоорлор ишке ашып калса, ишканалар ачылып, айыл аймактар аралык карым-катташ болуп соода-сатык да алдыга жылат. Бул менен жумушсуздук көйгөйү да азда болсо чечилмек”,-дейт М. Бекташева.

Эске сала кетсек, аталган долбоор үстүбүздөгү жылдын май айынан 2022-жылдын сентябрь айына чейинки эки жылдык мөөнөттө ишке ашырылат. Долбоор эл аралык уюмдар менен каржыланган.

Акылай КАРАБАЕВА, “Аймак”